Thurman katulo mosagubang og away sa 2022
by Erwin S. Lirazan
Gikan sa iyang pagbalik, naghimo na’g sunodsunod nga kanaas ang kanhi world welterweight champion American Keith Thurman.
Karong Pebrero 5, 2022, si Thurman mobalik na’g away batok sa kababayang si Mario Barrios sa Michelob Ultra Arena sa Las Vegas, USA.
Mao kini ang labing unang away ni Thurman gikan sa iyang split decision nga kapildihan batok kang Filipino boxing icon Manny Pacquiao niadtong Hulyo 20, 2019 sa MGM Grand Garden sa Las Vegas.
Sa press conference kagahapon, Disyembre 31, 2021 (RP time) alang sa opisyal nga pag-anunsyo sa ilang away ni Barrios, gibutyag ni Thurman ang iyang mga plano alang sa umaabot.
“I’m looking forward to this return, it’s been a long time coming,” matod ni Thurman nga napatik sa BoxingScene.com.
“February 5 is the date. It’s not really what I wanted but this is what life has given me. There was a little bit of push back, push back, push back.
Matod ni Thurman, kinsa adunay 29-1, 22KOs nga rekord, nga tinguha niyang mosagubang og tulo ka mga away sa tuig 2022.
“Now we’re gonna get that ball rolling and I have all the admiration to perform three fights (in 2022) if I can do it, to make up for lost time,” dugang ni Thurman.
Nanghinaot si Thurman nga ning tuiga, makapanuktok na siya og balik alang sa world title.
