32 patay sa bagyong Odette sa Negros Occidental
Gitakdang ideklarar ni Negros Occidental Governor Eugenio Jose Lacson ang state of calamity sa probinsiya tungod kay niabot na sa 32 ang patay sa bagyong Odette niadtong Dominggo, Disyembre 19.
Sa talaan sa Provincial Disaster Management Program Division (PDMPD) nagpakita nga ang Sipalay City ang adunay pinakadaghang nangamatay nga adunay 16.
Mokabat sa 47 ka mga residente ang gikataho nga missing, si PDMPD head Zeaphard Gerhart Caelian miingon.
Niadtong Domingo, 15 na ka mga residente ang na-rescue, samtang 14 ang missing, matod ni Caelian.
Ang mga rescuer naglisod sa pagsulod sa mga dapit nga naigo sa bagyo aron sa pagpahigayon og rescue operations tungod kay ang nangatumba nga mga kahoy ug mga poste sa kuryente nag-ali sa mga dalan, matud niya.
Nagkinahanglan usab ang mga residente og pagkaon, tubig, hygiene kits, ug generators tungod kay wala pa’y kuryente ug signal sa komunikasyon, dugang pa sa opisyal.
Si Salvador Mesa III sa Sipalay City Disaster Risk Reduction Management Office (DRRMO) niingon nga tibuok 17 ka barangay sa dakbayan ang apektado sa Bagyong Odette.
Gikataho nga 7,000 ka balay ang nangaguba.
Kapin sa 3,000 ka mga residente usab ang mibakwit sa ilang mga balay, si Misa miingon.
Ang mga linya sa kuryente nawala, ingon niya, ug nidugang nga gisultihan sila nga ang pagpahiuli sa kuryente mahimong molungtad duha hangtod upat ka bulan.
Si Sipalay City Police Station Chief Major James Latayon niingon nga nihubas na ang tubig baha ug nagpadayon ang clearing operations.
Maagian na ang mga nag-unang dalan, dugang niya.
Sa higayon nga ang probinsiya ubos na sa state of calamity, kini makahimo sa provincial government sa paggamit sa iyang Quick Response Fund, matud pa ni Lacson.
Mahimong moabot og binilyon ka pesos ang danyos sa bagyo sa probinsiya, matod niya.
Para sa livestock ug poultry sector pa lang, ang inisyal nga kadaot gibanabana nga P596 milyones.
Ang talaan sa PDMPD nagpakita nga atol sa pagkusokuso sa bagyo, mokabat sa 93,696 ka mga residente ang gipabakwit.
Sa sinugdan, mikabat sa 1,627 ka balay ang nangaguba ug 5,312 ang nangaguba.
Ang BRP Nueva Vizcaya sa Philippine Coast Guard gi-deploy sa Sipalay City gikan sa Iloilo City.
Sakay ang mga kargamento nga ipang-apod-apod sa mga apektadong pamilya sa Bagyong Odette sama sa house repair kits shelter kits, hygiene kits, family kits ug rubber boat nga adunay makina.
Ang 12 ka mga tripulante gitahasan sa paghatag og dugang nga mga personahe alang sa mga relief operations. (SunStar Philippines)
