Positibo sa Omicron miagi sa Mactan
Ang Pilipinas nakatala og laing Omicron variant nga kaso, nga nagdala sa kinatibuk-ang kaso ngadto sa tulo sa nasod, matod sa Department of Health (DOH) sa Lunes, Disyembre 20, 2021.
Si DOH Undersecretary Maria Rosario Vergeire niingon nga ang pinakaulahing kaso mao ang usa ka 36 anyos nga Filipino returning gikan sa Qatar.
Ang maong tawo niabot sa Mactan-Cebu International Airport niadtong Nobiyembre 28.
Siya asymptomatic ug gipailawom sa quarantine nga nakabase sa pasilidad sa pag-abot sa nasud.
Ang iyang sample nakolekta niadtong Disyembre 4, isip kabahin sa safety protocol sa nasud diin ang test nihatag og positibong resulta.
“He completed his isolation in Cebu before traveling back to Cavite, his hometown, and immediately underwent home quarantine,” matod ni Vergeire.
Ang tawo gi-retest ug negatibo sa coronavirus kaniadtong Disyembre 19.
Matod ni Vergeire nga ang pinakaulahing kaso sa Omicron anaa karon sa home quarantine sa Cavite.
Matod niya nga ilang nailhan ang tulo ka mga close contact nga kasamtangang ubos sa home quarantine. Tanan sila nagnegatibo sa coronavirus. (TPM sa SunStar Philippines)
