Canelo wa’y atrasan nga away
Gitataw ni world super middleweight (168 lbs) undisputed champion Mexican Canelo Alvarez nga wala siya’y kalibutan nga adunay plano ang iyang kampo nga pasakaon siya sa cruiserweight (200 lbs) rank sa umaabot.
Ang dugay nang trainer ug manager ni Alvarez nga si Eddy Reynoso nihangyo sa World Boxing Council (WBC) nga tugotan ang iyang batos nga makaaway og title fight sa cruiserweight division.
“I didn’t even know about that. I heard about it on social media what Eddy did,” matod ni Alvarez (57-1-2, 39 KOs) nga napatik sa World Boxing News.
Hinuon matod ni Alvarez, kinsa nakalangkat na og titulo sa 154, 160, 168, ug 175 lbs., nga andam siyang mohamag sa bisan unsang tahas nga ihatag ni Reynoso ngadto kaniya.
“Like I always say, if Eddy says something or he tries to do something crazy, I’m always in. I’m his warrior,” dugang ni Alvarez. “He called me after [the announcement], and I said, ‘OK, whatever you want. I never thought (about cruiserweight). Eddy always is thinking about things, but I never thought about it.”
Gusto ni Reynoso nga suwayan og ilog ni Alvarez ang WBC cruiserweight title gikan kang Congolese southpaw Ilunga Makabu, kinsa adunay 28-2, 25KOs nga rekord.
“It’s not done yet. We want to see, we want to try to do it, but it’s not done yet. So we will see in January what is coming for us,” dugang ni Alvarez.
Si Alvarez maoy kasamtangang pound-for-poun king ug tag-iya sa tanang world titles sa super middleweight division. (ESL)
