Mga barangay sa Cebu City di mosalmot sa clearing opns. masilutan - SunStar

Mga barangay sa Cebu City di mosalmot sa clearing opns. masilutan

Mga barangay nga dili mosalmot sa ikaduhang hugna sa “Oplan Barug Sugbo” mag-atubang og silot gikan sa Cebu City Government ug Department of the Interior and Local Government (DILG).

Si manlalaban Gerardo “Gerry” Carillo, pangulo sa Cebu City Risk Reduction and Management Council, nitug-an sa SunStar Cebu, Biyernes, Disyembre 31, 2021, nga adunay 12 ka mga barangay ang wala mokooperar niadtong Disyembre 30.

Base kini sa mga pakisusi sa mga team sa Kagamhanan sa Dakbayan sa Sugbo.

Si Carillo nitumbok og tulo ka mga barangay sa lahi nga interbyu sa Superbalita Cebu.

Kini naglangkob sa mga Brgy. Labangon, Punta Princesa ug Bulacao nga wa magpakabana.

Sila ang labing unang gipadad-an og memo sa DILG.

Ang Oplan Barug Sugbo gipasiugdahan ni Mayor Michael Rama aron mapadali ang clearing operations sa dakbayan gikan sa mga basura ug debris tungod sa pagkusokuso sa Bagyong Odette.

Gipirmahan ni Rama niadtong Miyerkules, Disyembre 29, 2021, ang Executive Order 152, nga nagdeklarar sa tibuok siyudad ubos sa Enhanced Citywide Qualitative Health and Sanitation (ECQ-HS) Drive sa siyudad. Ang intensive clearing operation gitakda sulod sa duha ka adlaw.

Ang una niadtong Disyembre 30 diin ang siyudad nakakolekta og 880 ka tonelada sa mga basura ug debris.

Si Carillo niingon nga ang maong mga barangay wala mopalihok sa ilang mga dump truck ug wala mohatag og hinabang sa mga personnel nga gikan sa kagamhanan sa dakbayan.

“Ato lang ipahinumdom nila, sunod ana nga administrative sanctions na,” matod ni Carillo.

Dugang pa sa abogado nga kinahanglang ihiklin ang politika sanglit ang paningkamot mao ang pagpabalik sa siyudad sa kon unsa kini sa wala pa ang pagkusokuso sa bagyo.

“Naglaum ko nga dili nila lingawon ang hunahuna sa politika tungod kay ang tanan apektado,” ingon ni Carillo.

Sa unang adlaw, naka-deploy ang siyudad og 50 ka dump truck, 12 ka payloader, 10 ka mini dump truck, ug walo ka skid loader.

Ang ikaduhang leg sa clearing operation mahitabo sa Dominggo, Enero 2, 2022.

MEMORANDUM

Samtang ang DILG Cebu City nimando sa tanang 80 ka mga barangay sa dakbayan sa pagsalmot sa massive clearing operation nga gipasiugdahan ni Rama.

Sa iyang memorandum nga gipetsahan og Disyembre 27, si DILG Cebu City Director Ian Kenneth R. Lucero nimando sa tanang mga barangay kapitan sa pagsalmot sa clearing operation.

Si Lucero niingon nga sa kalapad sa mga dapit nga grabeng naigo sa bagyo, ang paghakot ug paglabay sa mga debris nga nakababag di dayon mahuman.

“Hence you are enjoined to make use of your available resources such as barangay trucks and manpower, among others in order to assist the City Government within your capacity in clearing the national and local roads within your respective jurisdictions from the garbage and other debris,” matod ni Lucero.

Matod ni Lucero nga kinahanglan motuman ang mga opisyal kay kini nga buluhaton mamahimong tipik sa ilang “Monthly Clearing Operations Report” sa Disyembre 2021. (IRT, REV)

Si manlalaban Gerardo “Gerry” Carillo, pangulo sa Cebu City Risk Reduction and Management Council, nitug-an sa SunStar Cebu, Biyernes, Disyembre 31, 2021, nga adunay 12 ka mga barangay ang wala mokooperar niadtong Disyembre 30.

Base kini sa mga pakisusi sa mga team sa Kagamhanan sa Dakbayan sa Sugbo.

Si Carillo nitumbok og tulo ka mga barangay sa lahi nga interbyu sa Superbalita Cebu.

Kini naglangkob sa mga Brgy. Labangon, Punta Princesa ug Bulacao nga wa magpakabana.

Sila ang labing unang gipadad-an og memo sa DILG.

Ang Oplan Barug Sugbo gipasiugdahan ni Mayor Michael Rama aron mapadali ang clearing operations sa dakbayan gikan sa mga basura ug debris tungod sa pagkusokuso sa Bagyong Odette.

Gipirmahan ni Rama niadtong Miyerkules, Disyembre 29, 2021, ang Executive Order 152, nga nagdeklarar sa tibuok siyudad ubos sa Enhanced Citywide Qualitative Health and Sanitation (ECQ-HS) Drive sa siyudad. Ang intensive clearing operation gitakda sulod sa duha ka adlaw.

Ang una niadtong Disyembre 30 diin ang siyudad nakakolekta og 880 ka tonelada sa mga basura ug debris.

Si Carillo niingon nga ang maong mga barangay wala mopalihok sa ilang mga dump truck ug wala mohatag og hinabang sa mga personnel nga gikan sa kagamhanan sa dakbayan.

“Ato lang ipahinumdom nila, sunod ana nga administrative sanctions na,” matod ni Carillo.

Dugang pa sa abogado nga kinahanglang ihiklin ang politika sanglit ang paningkamot mao ang pagpabalik sa siyudad sa kon unsa kini sa wala pa ang pagkusokuso sa bagyo.

“Naglaum ko nga dili nila lingawon ang hunahuna sa politika tungod kay ang tanan apektado,” ingon ni Carillo.

Sa unang adlaw, naka-deploy ang siyudad og 50 ka dump truck, 12 ka payloader, 10 ka mini dump truck, ug walo ka skid loader.

Ang ikaduhang leg sa clearing operation mahitabo sa Dominggo, Enero 2, 2022.

MEMORANDUM

Samtang ang DILG Cebu City nimando sa tanang 80 ka mga barangay sa dakbayan sa pagsalmot sa massive clearing operation nga gipasiugdahan ni Rama.

Sa iyang memorandum nga gipetsahan og Disyembre 27, si DILG Cebu City Director Ian Kenneth R. Lucero nimando sa tanang mga barangay kapitan sa pagsalmot sa clearing operation.

Si Lucero niingon nga sa kalapad sa mga dapit nga grabeng naigo sa bagyo, ang paghakot ug paglabay sa mga debris nga nakababag di dayon mahuman.

“Hence you are enjoined to make use of your available resources such as barangay trucks and manpower, among others in order to assist the City Government within your capacity in clearing the national and local roads within your respective jurisdictions from the garbage and other debris,” matod ni Lucero.

Matod ni Lucero nga kinahanglan motuman ang mga opisyal kay kini nga buluhaton mamahimong tipik sa ilang “Monthly Clearing Operations Report” sa Disyembre 2021. (IRT, REV)

Leave a Reply

Your email address will not be published.