NBA andam moharong sa Omicron
Giklaro ni National Basketball Association (NBA) Commissioner Adam Silver nga wala sila’y plano nga undangon ang 2021-22 season taliwala sa padayong pagsaka sa gidaghanon sa mga magduduwa nga nabutang sa ilang Covid-19 health and safety protocols.
Sa interbyu sa ESPN, nagkanayon si Silver nga kinahanglang makat-on ang liga ug hasta ang komunidad sa pagpakabuhi kauban ang coronavirus.
Ang bag-ong kagaw nga Omicron variant maoy hinungdan nga ningsaka ang mga positibong mga resulta sa Covid tests.
Tungod niini, naahat ang NBA sa pag-uswag sa ilang lima ka nakaeskedyul nga mga duwa ning bag-uhay lang.
“No plans right now to pause the season. We’ve, of course, looked at all the options. We’ve had trouble coming up with what the logic would be for pausing,” pasabot ni Silver.
“This virus will not be eradicated and we’re going to have to learn to live with it. It seems the right and responsible thing to do . . . is to continue to play.”
Kapin na sa 80 ka mga maduduwa gikan sa 20 ka teams ang nabutang sa Covid-19 health and safety protocols sa NBA.
Gilugakan sa NBA ang ilang lagda kabahin sa pag-ilis og mga magduduwa.
“We’re actively looking at shortening the amount of days a player is out before he can return to the floor,” pasabot ni Silver. “We’re comfortable with the protocols we’re following right now.”
Asoy ni Silver nga 97% na sa mga magduduwa ang fully vaccinated samtang 65% ang natirahan na og booster dose.
Gisugyotan ni Silver ang tanang sakop nilang teams nga patirahan og booster shots ang ginsakupan niini.
“Only a very small number of people have had breakthrough cases and those have been very mild symptoms. The boosters are highly effective,” dugang ni Silver.
“Many of the (unvaccinated) 3% have gotten COVID and developed anti-bodies. For me, the focus right now is on boosters for the 97%. It’s beyond dominant in the league right now. We’re up beyond 90% of the cases.” (AP)