Norwood midayeg ni Williams - SunStar

Norwood midayeg ni Williams

by Philip A. Cerojano

Gikonsidera ni Gabe Norwood sa Rain or Shine nga labing lisod nga bantayan nga magduduwa sa Philippine Basketball Association karon nga season mao ang rookie sa TNT nga si Mikey Williams.

Kini ang paghulagway ni Norwood, kinsa nahimong defensive player of the year ug 7-time all defensive team kinsa maoy usa sa labing maayo nga modepensa sa PBA ug sa mga international competition gumikan sa kaabtik ug kamaayong mo-dribble sa TNT guard inubanan sa iyang shooting skills.

“You really have to step up your game in terms of your defensive mindset to really bring out the best in me as a player and as a defender,” matod ni Norwood

Apan matod pa sa stalwart sa Painters nga makalingaw magtan-aw sa duwa ni Williams atol sa pag-guesting niya sa sports show nga The Game.

“He can score and he’s played at such a high level even before setting foot in the PBA,” padayag niya.

Sa iyang hamubo pa nga pagduwa sa TNT, ang 30 anyos nga si Williams nakapakita na sa iyang abilidad human iyang napa-champion ang TNT human sa unom ka tuig pagka-ohaw sa titulo dihang ilang nalangkat ang Philippine Cup Championship sa niaging tuig diin ang Filipino American nga nagbase kaniadto sa California maoy nahimong Finals MVP.

Si Williams karon ang nag-una sa mga TNT locals pinaagi sa iyang 18.2 point per game, 4.2 rebounds ug 3.0 assists sa Governors’s Cup diin ang Tropang Giga adunay 2-2 win-lose record sa wala pa temporaryong nga gihunong ang PBA games gumikan sa grabeng pagsaka sa Covid-19 cases.

Leave a Reply

Your email address will not be published.