Superman #1 comic tag P129 milyones?
USA ka talagsaon nga kopya sa nag-unang Superman comic book nga napalit lang sa presyong 1 dollar sa newsstand niadtong 1939 ang napalit sa subasta og minilyon.
Di mominos sa 2.6 milyones dolyares o halos P130 milyones ang presyo sa maong komiks.
Sa komiks makita nga si Superman naglupad sa mga tag-as nga mga edipisyo.
Ang maong kopya napalit niadtong Huwebes sa gabie sa wa nagpaila, sumala sa ComicConnect.com, usa ka online auction ug consignment company.
Ang nibaligya sa maong komiks nga si Mark Michealson nagkanayon nga napalit niya ang komiks niadtong 1979 gikan sa orihinal nga tag-iya niini ug gitaguan kini sa temperature- controlled safe.
Si Michealson, kinsa hapit na moretire didto sa Houston, nakalampus sa kolehiyo gikan sa pagpamalit ug pagpamaligya og komiks.
Ang karakter sa komiks ginama sa tigsuwat nga si Jerry Siegel ug artista nga si Joe Shuster.
Niadtong Abril, ang ComicConnect nianunsyo sa kopya sa Action Comics #1, nga nipaila ni Superman niadtong 1938, napalit sa 3.35 milyones dolyares o kapin sa P162 milyones.
“Now you look at the comic books and you go ‘superheroes everywhere.’ You look back in the ’30s, there was no such thing. So this was literally the first superhero,” ni ComicConnect CEO Stephen Fishler.
Dugang niya nga lisod pangitaon nga kopya ang napalit ning semanaha nga dekalidad nga kopya sa Superman #1. (Superbalita Cebu)
