Tambagi Ko Noy Kulas: Sex ra unta
Dear Noy Kulas,
Ako si Ann, 25 years old ug single pa. But naa koy relationship sa tawo nga minyo na ug dunay mga anak. Dugay na mi nga dunay relasyon, mga seven years na.
Kaning tawhana maoy naggasto nako sa akong pag-eskwela hinungdan nga nakahuman ko sa college ug naka proceed pa og laing course. Ang sabot ra namo nga sexual relation ra ang amoa. Iya kong gipapuyo og apartment ug provided sa tanang needs. Libre ko makauyab og lain but I avoided it kay unfair sa lalake nga akong ma boyfriend, di ba? Kalain paminawon kay as if nangilad ko.
Mao to for seven years kaming duha ra mag date nga tago-tago sagad. Anha mi sa kanang expensive restos nga di kaayo daghan og mga tawo. Usually mag-sex mi sa apartment kon gabii na and mo leave siya very early sa morning. Pero wa ko mag expect nga undangon namo ang among relationship kay gusto sa iyang family mo migrate sila.
Nakalitan ko kay wa siya mosulti. Karon ra pud nako na realize nga love nako siya bisan dako og age gap. Ingon ani diay noh, nagsugod lang sa sex but ended loving him. I don’t want nga malayo siya nako. Unsay akong buhaton?
ANN
Ann,
Sa kadugay na ninyo di ikahibung nga ma fall ka sa iyaha. Wala guy laing lalake sa imong kinabuhi gawas niya, so expected na gyud na nga mahitabo. But, duna man siyay pamilya busa ihatag kaniya ang kagawasan kay mahug ra baya nga panakip butas ka. Let’s just admit nga mahug kang spare tire kay gigastuhan man ka niya. All for him was monetary lang while ikaw, nadutlan na.
Sakit na sa sinugdan but you will move on sa hustong panahon. Agwantaha lang. Angay ka ganing magpasalamat nga nahitabo na karon. Kay di maayo ang imong gipuy-an nga kalibutan karon. Makaamgo ka ra inig abot sa panahon. Malipay ka ra in the end.
NOY KULAS
rojval69@yahoo.com
