P300K shabu giitsa sa prisohan; shabu gibutang sa sampot ug sabon
KORONADAL CITY – Lipay unta apan minghoy ang punting sa shabu nga giitsa sa prisohan alas 3:30 sa kaadlawon, Disyembre 25 sa probinsya sa South Cotabato.
Sumala ni South Cotabato Rehabilitation and Detention Center (SCRDC) Warden Lory Celeste nga walo ka dagkong pakite sa shabu nga giitsa sa wala mailhing suspetsado sa likod sa prisohan.
Apan sa kahugot nga pagbantay sa mga jail guards ila dayon nga nasiplatan ang giitsa nga shabu una paman napunit sa mga suspetsado nga priso.
Gisusi dayon sa mga jail guards ang likod nga bahin sa SCRDC apan wala na nila maabtan ang nag-itsa sa ilegal nga droga.
Ang shabu ang nagkantidad og P300K subay sa drug market value niini.
Gidugang ni Warden Celeste nga ikatulo na kini nga higayon nga dunay giitsa nga gidiling druga sa SCRDC.
Sa kasamtangan gi-imbestigahan na sa SCRDC nga gipangulohan ni Celeste kung kinsa sa mga priso ang nagpalihok sa gidili nga druga sa prisohan.
Samtang sa Tagum City, Davao del Norte sakpan ang usa ka lalaking inmate sa Tagum City Jail sa Davao del Norte human niini gisulod ang shabu sa iyang sampot.
Niadtong Miyerkules, ang Bureau of Jail Management and Penology (BJMP) Davao Region nagpagawas ning maong istorya diin gawas sa mga shabu nga anaa gibutang sa sampot duna sab gisulod sa sabon.
Gidala sa PNP Crime Laboratory ang inmate alang sa urine ug specimen drug testing. Edgar E. Fuerzas/Jeepy P. Compio
