Presyo sa petrolyo mitaas una mag 2022 mga drayber mitiyabaw
Ni Jeepy P. Compio
NAGKULISMAOT na sab ang hunahuna karon sa mga drayber sa Davao City ug bisan sa kinatibuk-an sa nasud human dunay pagtaas sa presyo sa mga produktong petrolyo ug lauman nga mosaka pa kini gikan sa Disyembre 21 ug karong adlawa, Disyembre 27 ug sa mosunod pa nga mga adlaw una mga 2022.
“Naanad naman ta ani, modawat nalang gyod sa pagtaas sa presyo sa lana, wala man tay mahimo ani, ilaha man ang pagbuot sa mga negusyante ug sa world market,” saysay ni Hermie Reyes, drayber sa Route 10.
Sa bahin sab sa Southeastern Mindanao Diversified Drivers and Operators Cooperative (SEMDDOC) pinaagi sa President nga si Maning Duran nga lisod alang kanila nga mga pobreng drayber ang maong suliran.
“Pait kaayo, sige nalang og saka, naay pag-ubos perte rapod kagamay, unta dunay mga lakang pa gyod ang gobyerno nga usa ka inisyatibo alang namong mga drayber ug operators nga kana bang hulip kung ang mga drayber nalugi ug wala nay madala sa pamilya tungod sa kamahal sa petrolyo,” tipik sa pakighinabi kang Duran atol sa usa ka press conference.
Buot karon sa grupong Semddoc ug ubang mga grupo sa mga drivers ug operators sa Davao Region nga kung dunay mga pagtaas duna dayon sab untay kadaganan ang mga drayber labi pa kung makulang na sila sa ilang kita gumikan sa padayong pagtaas sa presyo sa mga petrolium products.
Sa bahin sa Bayaning Tsuper Partylist, gibutyag sa head niini nga si Atty. Alex Abaton kinsa mao sab ang first nominee nga maningkamot sila aron matabangan ang mga drivers ug operators.
Gipaminaw sa Bayaning Tsuper Partylist ang mga mulo sa mga drivers, conductors ug mga operators aron sa ingon ila kining mahatagan og kasulbaran sa umaabot nga mga adlaw didto sa hawanan sa Kongreso.
“Hindi natin iiwan ang mga drivers at conductors natin, papasada tayo at isulong ang para sa atin para mabubuhay natin ang ating mga pamilya,” ingon ni Atty. Abaton atol sa pakighinabi sa mga tigbalita sa Davao City.
Ang presyo sa diesel nagdula diha sa presyo sa pagtaas P0.50 ngadto na sa P0.60 matag litro samtang ang presyo sa gasolina mitaas sa P0.50 ngadto na sa P0.60 matag litro.
Hinuon dunay mga pag-usab sa presyo sa mosunod sab nga mga adlaw.
