Dinagat Islands giduaw ni Duterte
Si Presidente Rodrigo Duterte nibisita sa Dinagat Islands sa Miyerkules, Disyembre 22, nga naapektuhan sa bagyo.
Siya isaad nga mohatag og paagi aron mapadali ang clearing operations ug tabangan ang mga residente sa pagtukod pag-usab sa ilang mga balay.
Si Acting Presidential Spokesperson ug Cabinet Secretary Karlos Nograles, sa usa ka pahayag sa Huwebes, niingon nga si Duterte, uban ni Senador Christopher “Bong” Go ug ubang mga opisyal sa gobyerno, nakigtagbo sa mga bakwit ug lokal nga opisyal sa Dinagat Islands aron paghatag og direktiba sa pagpadali sa hinabang sa lugar.
Matod pa ni Nograles nga gitahasan sa Presidente ang Department of Social Welfare and Development (DWSD) sa paghatag og financial assistance ug padayon nga paghatag og food packs sa mga pamilya nga naapektuhan sa Bagyong Odette.
Matod niya nga gimanduan usab ni Duterte ang Department of the Interior and Local Government (DILG) sa pagmonitor ug pag-supervise sa distribution sa financial assistance.
Ang National Housing Authority mohatag og housing assistance nga nagkantidad og P100 milyones sa mga biktima sa Dinagat Islands, kansang mga balay partially ug totally damaged, dugang ni Nograles.
Si Nograles nagkanayon nga ang Department of Energy (DOE) maoy mosiguro sa paghatod sa gasolina ug uban pang produktong petrolyo ngadto sa Dinagat Islands.
“We again thank all generous allies in the international community, development partners, organizations, families, and individuals for the outpouring of support and compassion to our people,” matod ni Nograles.
We also assure our kababayans that your government continues to work double time in its relief, recovery and rehabilitation efforts to aid displaced families in hard-hit areas as they begin the process of rebuilding their lives in the aftermath of the most devastating typhoon to hit our country this year,” dugang ni Nograles.
Ang Presidente mideklarar niadtong Martes og state of calamity sa labing menos unom ka rehiyon nga grabeng naapektuhan sa Bagyong Odette, nga naglakip sa Caraga Region, Mimaropa, Western Visayas, Central Visayas, Eastern Visayas ug Northern Mindanao. (JS)
