Tambagi ko Noy Kulas: Mas lami ang 40

Dear Noy Kulas,

Good day nimo ug sa imong kaubanan sa Superbalita. Itago lang ko sa ngan nga Mely, 55 years old. Mga 10 years na ming buwag sa akong bana nga senior citizen na karon ug duna na silay anak sa iyang babaye.

Bisan gabuwag na mi ug nadawat na sa among mga anak nga naa nay laing pamilya ang ilang amahan, ako wa ko makig live in og laing lalake kay maikog ko sa mga bata bisan kon sila magsige og joke nako nga mangita ko og lain aron ma happy ko. But sa pagka tinuod, maayo ang akong sex life but ako ra gitago kay maikog ko sa akong mga anak.

Duha ang akong boyfriend karon. Ang usa 60 years old nga grabe modala og gasto nako kay in love lagi kaayo siya nako. Sige na siya og hangyo nga ipaila siya sa akong mga anak kay willing siya mangasawa nako kay biyudo siya. But wa ko mosugot ug akong gigamit nga rason nga secret ang akong love life.

Sa tinuod bitaw, Noy Kulas, mas love nako ang akong 40 years old nga boyfriend kay mas caring ug mas magkasinabot mi. Makaingon ko nga love ko niya kay sa among mga laag ug kon mang check in mi, siya ang mobayad. Manghatag pud siya og gift nako ug pwerte modala og kombate. Naa na niya tanan.

Mangayo lang ko og tambag nimo kay gusto ko nga naay peace of mind, magpili nilang duha. Unsa sab akong buhaton aning biyudo.

MELY

Mel,

Aron di na modako og ma­ayo ang gasto anang biyudo. Kon imong tan-aw makaya niya pagdawat nga di ka na niya, prangkahi og estorya. Kanang way pupanagana base sa unsay imong gibati. Apan kon siya emotional nga pagkatawo, hinay hinayi lang na siya og biya. Kanang magpatuo kang busy na ka aron di kaayo siya sakitan sa inyong panagbuwag until siya maanad nga wa ka na.

But ayaw lang sab pag settle anang tago tago nga relasyon. Kanang naa puy direksyon. Ka­nang imong sitwasyon ma­ayo na sa sa annulment sa ka­sal kay you deserve it. Kuti ug taas apan maabot ra na. But kon sa simbahan mo nakasal, duha na ka annulment, civil court ug church tribunal.

Timan i, mas maayo ang relasyon nga dunay direksyon kay sa imong taguon.

NOY KULAS

kulassuper@sunstar.com.ph