2 sa 13 ka tripolanteng missing napalgan - SunStar

2 sa 13 ka tripolanteng missing napalgan

Giangkon sa Philippine Coast Guard Central Visayas nga naglisod sila sa pagpangita sa 11 pa ka mga tripolante sa tugboat M/V Strong Trinity nga na missing human sa bagyong Odette niadtong Huwebes, Disyembre 16.

Duha sa mga tripolante ang nabangalan, usa buhi samtang ang usa namatay.

Ang tugboat nipasalipod unta sa barkong M/V Mary the Queen sa kadagatan sa Dakbayan sa Talisay samtang nagpaingon pa ang bagyong Odette.

Si Commodore Agapito Bi­bat, district commander sa PCG, interview sa SunStar ug Superbalita Cebu, niingon nga mao kini ang iyang nasayran sa pagduaw sa opisina sa Key West Shipping Lines Company.

Apan wa na makahatag si Bibat og dugang mga detalye sa sirkumstansya kalabot sa duha ka mga tripolante, usa ini nga maoy namatay giilang si Chief Engineer Abraham Dalumpenes.

Wa niya nganli ang survivor kay ila pa kining hinabion. (BBT)

Leave a Reply

Your email address will not be published.