Blackwater gitiwasan sa Alaska Aces
Gisumpayan sa Alaska Aces ang kalbaryo sa Blackwater Bossing pinaagi sa pagposte og 98-75 nga kadaugan sa ilang engkuwentro sa premirong duwa kagahapon, Disyembre 22, 2021, sa Philippine Basketball Association (PBA) Governor’s Cup sa Smart Araneta Coliseum.
Ang kapildihan maoy ika-24 nga sunodsunod nga naangkon sa Bossing gikan pa sa miaging duha ka mga komperensya.
Ning maong komperensya, ang Bossing adunay 0-5 nga rekord samtang ang Aces ningsaka sa 3-2 nga baraha.
Ang Bossing mao unta ang nagkontrolar sa 1st half apan usa ka 19-8 nga rally sa Aces ang nagpausab sa dagan sa duwa. (ESL)
