Kerr napiling head coach sa Team USA

Dili buhian ni Steve Kerr ang iyang obligasyon isip head coach sa Golden State Warriors sa National Basketball Association (NBA) apan opisyal niyang gidawat ang tanyag aron mahimong head coach sa USA Basketball.

Lakip sa mga assistant ni Kerr mao sila si Phoenix Suns head coach Monty Williams ug Miami Heat head coach Fil-Am Erik Spoelstra.

Si Kerr, 56, maoy mohulip kang San Anto­nio Spurs head coach Gregg Po­povich sa paggiya sa Team USA sa international competitions.

Gikan sa iyang paggunit sa Warriors, nagiyahan ni Kerr ang team ngadto sa tulo ka mga kampyunato. Napili siyang NBA Coach of the Year ni­adtong 2015-16 season. (AP)