5 ka mga duwa giuswag sa NBA
GIANUNSYO sa National Basketball Association (NBA) nga ilahang giuswag sa laing petsa ang duha ka mga duwa sa Brooklyn Nets ug laing tulo tungod sa nagkadaghang mga magduduwa ug staff nga nasulod sa Covid-19 health and safety protocols sa liga.
Gawas sa Nets, nauswag sab ang tagsa-tagsa ka eskedyul nga duwa sa Cleveland Cavaliers, Orlando Magic ug Philadelphia 76ers.
Sa miaging semana, ang NBA miuswag na og pito ka mga duwa tungod sa samang rason.
Ang Nets maoy labing naapektuhan gumikan kay siyam sa ilang mga sakop ang nabutang sa health safety protocols lakip na niini ang ilang tulo ka All-Stars nga sila si Kevin Durant, James Harden ug Kyrie Irving. (AP)
