2 BIFF patay sa engkwentro - SunStar

2 BIFF patay sa engkwentro

Ni Edgar Fuerzas

COTABATO CITY — Nanghasi na sab ang mga terorista alas 9:15 sa gabii, Lunes, Disyembre 20, sa probinsya sa Maguindanao.

Sa taho gikan sa 601st Brigade Philippine Army nga samtang nagpatrolya ang mga sakop sa 6th Infantry Battalion sa Sitio Ulangkaya, Barangay Ganta, Shariff Saydona Mustapha, Maguindanao, ilang na-engkwentro ang mga miyembro sa Bangsamoro Islamic Freedom Fighters (BIFF).

Tungod sa buto sa mga pusil, nanghikling ang mga sibilyan paingon sa luwas nga dapit sa kahadlok nga maipit sa kagubot.

Milungtad sa 35-minutos ang sinukliay sa mga bala tali sa mga sundalo ug mga rebelde.

Miatras ang grupo ni Kumander Kagui Karialan sa BIFF-Karialan faction sa diha nga gi-mortar sila sa militar.

Walay naangol sa mga sundalo, samtang duha ka BIFF ang gikataho nga napatay sa engkwentro.

Sa kasamtangan, nagpadayon ang combat clearing operation sa Joint Task Force Central batok sa BIFF sa Shariff Saydona Mustapha, Maguindanao.

Leave a Reply

Your email address will not be published.