Giingna’g bahog ilok nagpapulis

Ni Jeepy P. Compio

MIREKLAMO sa buhatan sa Sta. Ana Police Station ang usa ka babaye human giingnan sa iyang silingan nga bahok ilok.

Alas 3 sa hapon niadtong Dominggo, Disyembre 19, usa ka alyas Maricel, 21-anyos, nag-abang sa Purok 3, Barangay 23-C, Isla Verde Boulevard, Davao City, ang nagpa-blotter sa kapulisan kay pursigido gyod siya nga moreklamo sa korte.

Subay sa blotter sa Sta. Ana police, giingnan si Maricel nga bahok ilok sa silingan nga si Henry (bansagon gitago), 35-anyos, nagpuyo sab sa dapit.

Giangkon hinuon sa babaye nga usahay di siya kabutang og deodorant, maong naleksyon siya human siya napaulawan sa pag-ingon sa lalaki atubangan sa daghan nilang silingan.

Luyo niini, gimandoan siya sa pulis nga modangop sa Brgy. 23-C aron didto sila maghusay.