Mga numero ni Pingris, Simon ipangretiro sa Magnolia

KON wala’y kakulian nga ma­hitabo, pormal nga ire­tiro sa Magnolia Ang Pambansang Manok Hotshots ang mga numero sa playing jerseys nila ni Marc Ping­ris ug Peter June Simon a­­tol sa ilang duwa sa Philippine Basketball Association (PBA) Governor’s Cup ba­tok sa Brgy. Ginebra Gin Kings karong adlaw sa Pasko, Disyembre 25, 2021, sa Smart Araneta Coliseum.

Sila si Pingris ug Simon, kinsa pareho nang miretiro, gilaumang motunga aron dawaton ang glass-framed replica sa mga numero sa ilang playing jerseys. Numero 15 ang kang Pingris samtang numero 8 ang kang Simon.

Nagpasabot kini nga wala na’y bisan kinsa nga sakop o mahimong sakop sa prankisa sa team nga makagamit ning maong mga numero.

Ang makasaysayong prankisa aduna na’y tulo ka mga nu­mero nga gipangretiro. Kini mao ang No. 16 ni four-time MVP Alvin Patrimonio, No. 7 ni Rey Evangelista ug No. 44 ni Jerry Codinera, nga pulos kan­hi pambato sa Purefoods Hotdogs.

“Naririnig ko nga yan pero wala pang pormal na sinasabi,” asoy ni Magnolia coach Chito Victolero. (ESL)