Tambagi ko Noy Kulas: Maorag anak - SunStar

Tambagi ko Noy Kulas: Maorag anak

Dear Noy Kulas,

Maayong adlaw ninyo bisan giagian na ta og bagyo ug naa sa kalisod. Pangitaon tuod ang internet, apan nangita ko og signal aron magpatambag nimo parte aning akong mama. Tawga lang ko og Fred.

Kining akong mama biyuda na ni for 10 years na. Sa bag-o pa siya nga nabiyuda, active ni ang among inahan sa mga kalihukan sa simbahan. Nalipay lang sab mi nga happy siya. Pero dihang nakabarkada ni siya og sugarol ug tig mahjong, nagkaanam og ka usab si Mama. Di na gani usahay mouli sa amoa, igo lang magbilin og kwarta aron among magamit.

Dunay rumors nga naay uyab si Mama nga batan-on pero wa mi motuo kay wa man mi makakita. But human sa bagyo, diha na ko nakatuo kay ang lalake ako man nasakpan nagdulog sa among mama. Okay ra unta kon iyang kaedad but sa akong tan-aw pareho ra sa among eldest og edad. Batan-on pa kaayo ang lalake itandi sa edad ni Mama. As if maorag anak ug inahan sila magkuyuog.

Amo nang gibadlong ang among mama ani pero wa maminaw kay love lagi niya ang lalake. Pagsuwat nako ani two days na siyang wala sa balay mouli. Unsa kahay among buhaton ani niya? Di man mopatuo.

FRED

Fred,

Pasagdi na lang nang inyong inahan kay dako na man na, kahibawo na maghuna-huna. Ganahan na tingali siyang malingaw after sa years nga namatay ang inyong amahan. Kay bisag unsaon pa na ninyo siya, basta iyang makita nga mikontra ug nangasuko mo, di na siya maminaw. Tungod na sa iyang paminsar ba nga siya inahan while kamo iya lang mga anak.

But be there sa iyaha kon sa inyong tan-aw nag need siya og support ninyo. Like kanang nasakitan siya sa relasyon anang mao nga lalake kay basin monetary ang rason anang tawhana. But respetuhi ang inyong inahan kon unsa man ang iyang desisyon. Kay the more nga inyo na siyang kontrahon, mosamot na siyag likay ug magpalayo ninyo.

NOY KULAS

kulassuper@sunstar.com.ph

Leave a Reply

Your email address will not be published.