TV sports reporter nasagmuyo sa ubang netizens
NASAGMUYO ang TV5 sports reporter nga si Gretchen Ho sa ubang netizens nga mipadayag og dili maayo ug negatibong mga komentaryo sa mga hulagway nga iyang gi-post sa social media diin kauban niya ang mga magduduwa sa National Basketball Association (NBA).
Matod sa kanhi bantugang volleyball player sa nasod nga kanunay niya kining masinati.
Adunay usa ka netizen nga nagtahap nga adunay “laing nahitabo” tali kang Ho ug sa usa ka magduduwa sa NBA nga gikauban niini sa hulagway.
Mao kini ang kinatibuk-ang mensahe sa maong netizen: “Hey Gretchen, I hope you’re doing well. Advice ko lang sayo is don’t ride the C*CK CAROUSEL okay? It will damage you emotionally and mentally,” nga napatik sa Spin.ph.
Sa labing ulahing gi-post ni Ho nga hulagway sa Twitter, iyang gikauban si Golden State Warriors superstar Stephen Curry.
Nahibulong lang si Ho kon nganong sama niini ka hugaw ang hunahuna sa ubang netizens.
“Geez. When you take fan photos with NBA players, why do people immediately assume something happened I have gotten this so many times. Pwede ba,” batbat ni Ho. (ESL)