Wright napili
nga PBA POW
By Erwin Lirazan
NAANGKON ni Phoenix Super LPG Fuel Masters guard Matthew Wright ang ikatulong Cignal Play–Philippine Basketball Association (PBA) Press Corps Player of the Week.
Kini human sa makapaukyab niyang performance sa kadaugan sa Fuel Masters batok sa NLEX Road Warriors, 103-92, sa Governor’s Cup sa Smart Araneta Coliseum niadtong adlaw mismo sa Pasko.
Ning sangkaa, naangol ang import sa Fuel Masters sa sayong bahin sa duwa ug gumikan niini, nagpas-an og bug-at nga obligasyon si Wright.
Gipakita ni Wright nga kaya niyang agakon ang Fuel Masters pinaagi sa pagposte og game-high 23 puntos lakip na niini ang unom ka three-point shots nga nagpainat sa ilang rekord ngadto sa 3-2, ikaunom sa standing.
“As bad as we played in our last two games, Matt said that we just have to keep on playing. That it’s either we go all the way with three straight losses or we stop the streak of NLEX,” asoy pa ni Fuel Masters coach Topex Robinson nga napatik sa www.pba.ph.
Ang mga gipanglupig ni Wright sa inilugay sa matag semana nga pasidungog mao sila si Terrence Romeo ug CJ Perez sa San Miguel Beermen, Paul Lee, Jio Jalalon, ug Calvin Abueva sa Magnolia Ang Pambansang Manok Hotshots, Chris Newsome sa Meralco Bolts, Mikey Williams sa TNT Tropang Giga, Maverick Ahanmisi, Jeron Teng, ug Robbie Herndon sa Alaska Aces.
