12 BIFF nagmahay misurender
Ni Edgar Fuerzas
COTABATO CITY — Mobalik sa sabakan sa balaod ang 12 ka mga terorista alas 11 sa buntag, niadtong Dominggo, Disyembre 19, sa probinsya sa Maguindanao.
Ang mga rebelde mga sakop ni Kumander Bungos sa BIFF-Bungos faction.
Misurender ang 12 ka BIFF sa puwersa sa 6th Infantry Battalion Philippine Army, 1st Mechanized Battalion, Maguindanao PNP, PRO-BAR ug mga opisyal sa LGU sa Datu Salibo Maguindanao.
Matud ni 1st Mechanized Brigade Commander Colonel Pedro Balisi nga dala sa mga rebelde sa ilang pagsurender ang napulo ka high powered firearms nga nga gilangkuban sa usa ka caliber .50 machine gun, usa ka 5.56mm M16 Ultimax Rifle, upat ka 7.62mm M14 Rifles, usa ka Mauser Sniper Rifle, tulo ka 7.62mm Sniper Rifles, mga bala ug magasin.
Gikanayon sab ni Joint Task Force Central Commander og 6th Infantry (Kampilan) Division chief Major General Juvymax Uy nga panahon na aron matagamtaman ang maayo kaayong programa sa gobyerno ug dili usikan ang kahigayonan sa mga rebelde nga magbag-o sa ilang kinabuhi nga sarang nilang gikamahay sa ilang pagsulod sa BIFF.
Subling giaghat ni MGen Uy ang ubang BIFF nga musurender ug manginabuhing magmalinawon gumikan tabangan sila sa gobyerno.
