Babayeng NPA napatay
By Jeepy P. Compio
PATAY ang usa ka gituohang miyembro sa New People’s Army (NPA) atol sa nahitabong engkwentro tali sa mga sakop sa 1001st Brigade ug 5th Scout Ranger Company sa Davao de Oro sa bisperas sa Pasko, Disyembre 24, 2021.
Giila ni 10th Infantry Division Public Affairs Officer Captain Mark Tito ang namatay nga si Anna Sandra Reyes alyas Kaye sakop sa CPP Central Committee.
Sumala ni Tito nga giila si Reyes nga secretary sa Regional White Area Committee ubos sa Southern Mindanao Regional Committee ang napatay.
Milungtad og 30-minutos ang nahitabong bakbakan sa maong lugar diin nakuha ang mga pusil, mga bala, medisina ug mga subersibong dokumento lakip mga bag nga gipanag-iyahan sa mga rebelde.
Nasayran nga dunay kasong murder ug attempted murder si Reyes sa mga Regional Trial Court sa Davao City.
