Booster shots sa Davao gisugdan na - SunStar

Booster shots sa Davao gisugdan na


By Jeepy P. Compio

PAG-ABLI sa Bag-ong Tuig, giawhag sa lokal nga panggamhanan sa Davao City ang tanang Dabawenyos nga magpa-booster shots batok Covid-19.

Kini aron nga mas lig-on ang bakuna human nga nadawat ang second dose diin ning pag-abli sa tuig gisugdan na og dawat ang mga walk-in appointments sa mga vaccination hubs sa Davao City.

Una nang gibutyag ni Davao City Mayor Inday Sara Duterte-Carpio sa Davao City Disaster Radio nga mga vaccination hubs sa siyudad ang modawat na og walk-ins sa booster shots alang A1, A2, A3, A4 ug A5 priority groups.

Kahinumdoman nga giubos ang gidugayon sa paghatag og booster shots, gikan sa unom ka bulan ngadto na sa tulo.

Ang mga fully vaccinated nga sobra na sa tulo ka bulan ang nakalabay sukad nakumpleto ang bakuna pwede na nga mapa-booster shot.

Dalhon lamang ang mga vaccination card, magdala og kaugalingon nga bolpen ug makanunayon ang pagsuot og face mask.

Leave a Reply

Your email address will not be published.