Nakigtagay sa silingan, gipusil - SunStar

Nakigtagay sa silingan, gipusil


By Jeepy P. Compio

BLANGKO pa ang kapulisan sa Magsaysay Municipal Police Station sa matudlong suspek sa mipusil sa 19-anyos nga lalaki kinsa nakigtagay og ilimnong makahubog sa silingan alas 10:30 sa gabii, Disyembre 30, 2021 didto sa Barangay Tacul, Magsaysay, Davao del Sur.

Giila sa Magsaysay Municipal Police Station ang biktima nga si Jay Balabagan Lintang, alyas Epoy, ulitawo ug residente sa nasampit nga barangay.

Nasayran sa inisyal nga imbestigasyon dihang nalingaw og tagay ang biktima sa balay sa iyang silingan nga si alyas Jun, kalit miabot ang usa ka wa mailhing suspek dayon namusil.

Nakaangkon og samad-pinusilan sa batiis ang biktima kinsa daling gidala sa ospital ug anaa na karon sa luwas nga kahimtang.

Gisubay pa sa kapulisan sa Magsaysay unsay background sa biktima ug ang padayon nga pagsuta sa motibo aron maila ang mga suspetsado.

Leave a Reply

Your email address will not be published.