Pundo sa Barmm aprobado na
By Edgar E. Fuerzas
APROBADO na sa ikatulo ug katapusang pagbasa ang pundo sa Bangsamoro Autonomous Region in Muslim Mindanao (Barmm).
Nagkantidad kini og P79.86 bilyon alang sa Bangsamoro Government sa 2022 nga gipaboran sa mga miyembro sa Bangsamoro Transition Authority (BTA-Barmm) parliament.
Ang naaprobahan nga pundo mas taas og sais porsiyento kon itandi sa P75.60-billion fund niadtong 2021.
Ang dakong pundo alang sa mga nag-una nga proyekto sa Bangsamoro Government sa sunod tuig.
Gawas sa P79.86 bilyon nga pundo, madungagan pa kini sa mga donasyon gikan sa langyaw nga kabaybayonan.
Nanghinaut ang katawhan sa Barmm nga kadtong mga hilit nga dapit sa rehiyon magahinan sa pundo, ilabi na ang ilang farm to market road ug uban pa.
