5 ka lungsod giguba ni Odette tagaa'g tag P1M sa Ormoc City - SunStar

5 ka lungsod giguba ni Odette tagaa’g tag P1M sa Ormoc City

by John Kevin D. Pilapil

Dakbayan sa Ormoc mohatag og tabang pinansyal sa pipila ka mga lungsod sa Southern Leyte nga labing apektado sa bagyong Odette.

Tag P1,000,000 matag lungsod ang giaprobahan sa Ormoc City Disaster Risk Reduction and Management Council alang sa Limasawa, Liloan, Pintuyan, San Francisco ug San Ricardo.

Usa ka adlaw human niigo ang bagyong Odette, nagpadala og Quick Response Team gikan sa City Disaster Risk Reduction and Management Office, si Mayor Richard Gomez.

Nagdala sila og emergency vehicles ug equipment, hygiene ug shelter kits ug food packs sama sa bugas.

Pipila ka adlaw, gi-deploy na usab ang mga taga City Health Department dala ang mga tambal, vitamins ug ubang medisina ug tubig mainom nga gi-donate sa mga refilling station.

Nagpahigayon usab og libre ug walk-in vaccination kontra Covid-19 ang Dakbayan para sa mga lugar nga apektado ni Odette.

Dili lang kini ang labing unang higayon nga mihatag og tabang ang Siyudad pinangulohan ni Gomez ug Ormoc Development Team ni Cong. Lucy Torres-Gomez sa mga lugar nga apektado sa kalamidad.

Sa pagbuto sa Taal niadtong January 2020, nagpadala usab og tabang pinansyal ang Siyudad sa mga lugar nga apektado.

Sa landslide sa Naga, Cebu niadtong 2018, nagpadala usab og CDRRM personnel, emergency vehicles ug ubang tabang.

“Kon kaya nato, motabang gyod ta kutob sa atong makaya. Kahibalo ta unsa ka lisod ang nahitabo sa mga lugar nga naigo ni Odette kay nakasuway ta ani pag Yolanda. Daghan nga lungsod ug siyudad ang nitabang sa Ormoc panahon nga kita nagkinahanglan, karon kita nasab ang mo tabang kay kaya man nato,” matod ni Gomez.

Leave a Reply

Your email address will not be published.