Wa pay magamit nga bakuna alang sa mga 5-11 anyos
Gitataw sa Department of Health (DOH) nga ang bakuna sa coronavirus disease (Covid-19) alang sa mga bata nga nag-edad 5 anyos hangtod 11 anyos wa pay magamit bisan pa sa pagtugot sa Food and Drug Administration (FDA).
Sa usa ka pahayag, si Health Undersecretary Maria Rosario Vergeire miingon nga ang pag-aprubar sa emergency use authorization (EUA) alang sa Pfizer vaccine alang sa mga nag-edad og 5 ngadto sa 11 anyos dili awtomatik nga nagpasabot sa pagkaanaa sa mga jab.
“While FDA has already given EUA for Pfizer vaccines for this age group, we would like to clarify that we are not yet administering Covid-19 vaccines for 5 to 11 years old,” matod ni Vergeire.
Siya miingon nga kini tungod kay ang gobyerno kinahanglan pa nga mopalit sa mga bakuna sa Pfizer nga adunay gamay nga konsentrasyon ug doses nga angay alang sa 5 hangtod 11 ka tuig ang edad.
Matod pa ni Vergeire, ang guidelines sa paghatag og mga bakuna sa Covid-19 alang sa 5 ngadto sa 11 anyos wala pa ma-release sa DOH.
Kaniadtong Huwebes, Disyembre 23, gipahibawo sa FDA ang pag-isyu sa EUA alang sa Pfizer’s Covid-19 nga bakuna alang sa 5 hangtod 11 anyos nga grupo sa edad.
Ang bakuna sa Pfizer mao ang una sa nasod nga nakakuha sa EUA alang sa 5 hangtod 11 anyos nga grupo sa edad.
Base sa gibanabana nga gidaghanon niadtong Nobiyembre, adunay 13.5 milyones ka bata nga nag-edad og 5 ngadto sa 11 anyos ang mahimong kwalipikado sa mga bakuna. (HDT sa SunStar Philippines)
