Fashion model uyab ni Kanter-Freedom
Human siya makakuha og US citizenship lain napud nga swerte ang miabot sa Boston Celtics player Enes Kanter Freedom kay nadungog na uyab na niini ang fashion model nga si Emily Sears.
Ang 29-anyos nga si Freedom bagohay lang mi-viral sa social media tungod sa iyang pag legally change sa iyang pangalan aron pagselebrar sa iyang pagka US Citizen.
Ang Swiss-born, Turkish-raised nga player mipadugang og Freedom sa iyang pangalan sa miaging buwan.
Matod niya nga ang rason niini kay ang nasod sa US adunay freedom of speech, freedom of religion, freedom of expression ug freedom of the press.
Basi sa balita sa TMZ, si Freedom og ang matahom nga fashion model nga si Sears taodtaod na nga ga-date.
Makita sa Instagram post ni Sears ang hulagway nga gakuyog sila ni Freedom og adunay caption nga “Bravest person I know” nga nagpasabot sa kaisog sa basketball player.
Ang 6-foot-10 nga si Freedom nakasulod sa NBA sa tuig 2011 isip third overall pick sa Utah Jazz. Miduwa siya sa Jazz sa tuig 2011-2015.
Ang laing teams ni Freedom mao ang Oklahoma City Thunder (2015-2017), New York Knicks (2017-2019), Portland Trail Blazers (2019) ug Boston Celtics (2019-2020).
Gikuha pagbalik si Freedom sa Trail Blazers sa tuig 2020-2021 dayon gi-trade kini sa Boston sa 2021 season.
Sa iyang NBA career nag-average si Freedom og 11.3 puntos ug 7.9 rebounds. Sa karon nga season ubos sa Celtics, aduna siyay average nga 4.7 puntos ug 5.6 rebounds. (RSC)
