1 patay, 3 angol sa duha ka sunog sa Cebu City sa Pasko
Usa ang namatay ug tulo ang nangaangol sa duha ka mga sunog nga niigo sa Dakbayan sa Sugbo atol sa Pasko, Disyembre.
Usa ka 26-anyos nga lalake nga adunay sakit sa pangisip namatay sa sunog nga miigo sa sulod sa Barangay Tisa sa buntag sa Adlaw sa Pasko, Disyembre 25, 2021.
Si Fire Officer 3 Fulbert Navarro, imbestigador sa Cebu City Fire Office (CCFO), niingon nga ang patay gigapos sulod sa balay sa iyang pamilya sa wala pa moulbo ang sunog tungod sa iyang kahimtang.
Si Navarro niingon nga ang inahan ni Aljay Campos, 25, nisuway sa pagluwas sa iyang anak, apan napakyas siya sa pagbuhat kay ang yawe sa kandado nadala sa iyang bana.
Ang iyang bana nagdali-dali usab sa paghipos sa ilang mga butang.
“Wala maluwas sa inahan kay dili kamao mobadbad sa kadena ug kandado,” matod ni Navarro.
Nadawat sa CCFO ang alarma sa sunog alas 9 sa buntag sa Sitio Mansanitas.
Ang sunog gikatahong nagsugod sa balay ni Manolito Sapina, kinsa nakaangkon usab og second degree burns sa iyang abaga, ulo ug nawong.
Naugdaw sa sunog ang 20 ka mga balay, nakaapekto sa 48 ka pamilya o 276 ka mga indibidwal.
Ang mga bombero miabot sa Mansanitas, nga nahimutang sa sulod sa Tisa, mga 14 minutos sukad sa pag-ulbo sa kayo. Napawong dayon sa mga bombero ang kayo alas 9:45 sa buntag.
Gibanabana nga P800,000 ang danyos sa mga kabtangan.
Matod ni Navarro nga padayon pa ang ilang imbestigasyon aron masuta ang hinungdan sa sunog.
IKADUHA
Ang ikaduhang sunog ang miigo sa residential ug commercial area sa Barangay Sambag 2, dakbayan sa Sugbo nga miugdaw og 13 ka balay ug establisamento.
Kapin sa P15.5 milyones ang gibanabanang kantidad sa mga kabtangan nga nawala sa sunog.
Tulo ka mga tawo ang nangaangol: Arthuro Salas Jr., 56, kinsa nakaangkon og samad sa wala nga tuhod); Si Guillerma Susmena, 84, posibleng bali sa iyang walang bukton ug paso sa likod sa iyang lawas; ug Gina Salaban, 48, second-degree burn sa iyang wala nga aping ug mild burns sa iyang agtang.
Nadawat sa Cebu City Fire Office ang alarma sa sunog alas 9:04 sa gabii, Sabado.
Alas 9:07 sa gabii niabot sa fire scene sa J. Urgello St. ang mga bombero.
Paglabay sa usa ka oras, nakontrolar sa kabomberohan ang kalayo gikan sa pagkuyanap pa sa kasilinganan. (BBT, AT, KAL)
