Kaso batok ni Kerwin Espinosa gibasura sa korte sa Makati - SunStar

Kaso batok ni Kerwin Espinosa gibasura sa korte sa Makati

GIBASURA sa korte sa Makati ang kaso sa drugas batok sa mga sakop sa gitawag nga Espinosa drug cartel nga naglakip nila ni Rolan “Kerwin” Espinosa ug Wu Tuan Yuan, alyas Peter Co.

Sa 13 ka pahina nga hukom nga pinetsahan og Disyembre 17, si Makati Regional Trial Court (RTC) Branch 64 Judge Gina Bibat-Palamos nibasura sa mga kaso “for failure of the prosecution to add evidence to overturn the presumption of innocence enjoyed by herein accused.”

Ang hukom sa korte naghatag sa mga demurrers sa ebidensya nga gisang-at niadtong Hulyo ni Kerwin, Co, testigo Marcelo L. Adorco, ug Lovely A. Impal, nga nagkuwestiyon sa ka-igoan sa mga sumbong batok kanila ug naghangyo nga ibasura kini nga mga kaso.

Ang usa ka demurrer to evidence usa ka motion to dismiss tungod sa kakulang sa mga ebidensya diin ang usa ka akusado nag-ingon nga ang ebidensya nga gihimo sa prosekusyon dili igo, tinuod man o dili, aron sa pagsustenir sa usa ka kaso.

Ang grupo nag-atubang og kasong kalapasan sa Republic Act 9165 o Comprehensive Dangerous Drugs Act of 2002.

“In proving that the Espinosa Group conspired to commit illegal trading or trafficking of dangerous drugs, the prosecution heavily relied on the sole testimony of Adorco. However, the court… declared Adorco’s sworn statements as inadmissible in evidence because the same was extracted from him by the police officers in violation of his rights under custodial investigation,” matod sa korte.

“For one, Adorco, unwittingly, was made to be a witness against himself. For another, the rule is that even if the confession contains a grain of truth, if it was made without the assistance of counsel, it becomes inadmissible in evidence, regardless of the absence of coercion or even if it had been voluntarily given,” dugang niini.

Ang kaso naglambigit sa transaksyon niadtong 2013 kalabot sa 20 kilos nga shabu sa parking area sa Cash and Carry Mall sa Makati City.

Sa usa ka pamahayag nga gihatag nga way abogado, si Adorco niingon nga iyang nahimamat si Espinosa niadtong 2011 samtang siya natanggong sa prisohan sa Alta Vista sa Ormoc City tungod sa ilegal nga paghupot og armas ug mitabang sa pag-apod-apod og drugas ngadto sa mga piniriso.

Isip errand boy ni Espinosa human siya makagawas sa prisohan, si Adorco gitahasan sa pagkuha og 20 ka kilong shabu gikan kang Yuan, kinsa nimando kaniya nga moadto sa Metropolitan Hospital diin naghulat si Impal, drug runner ni Yuan.

Human sa transaksiyon, nibalik siya sa Ormoc City jail diin iyang gipakita ang shabu kang Espinosa ug dayon gihatud ngadto sa usa ka Max Miro sa Albuera, Leyte.

Human sa inisyal nga transaksyon, miapil siya sa labing menos upat ka susamang kalihokan sa paghatod sa Metro Manila.

Sa laing bahin, si Justice Secretary Menardo Guevarra miingon nga ang mga prosecutor magpadayon sa kaso, ingon nga si Espinosa ug uban pang drug lords nag-atubang pa sa ubang mga kaso sa ubang bahin sa nasud. (PNA /LMY)

Leave a Reply

Your email address will not be published.