Talk to Papa Joe: Akoy papa? - SunStar

Talk to Papa Joe: Akoy papa?

Dear Papa Joe,

Maayong adlaw nimo ug sa imong listeners. Maminaw man ko nimo sa radio ug mobasa sa imong column sa Superbalita.

Tawga lang ko og Mike, 42 years old. Sa una nag work ko pero niundang ko kay nakanegusyo na ko og gamay. Angkunon nako nga playboy ko kaniadto, aw, bisan gani karon. Pero di pareho kaniadto nga tira pasagad, basta babaye, bira labinag mahubog ko.

Wa ko magdahom nga ma­prob­lema ko sa akong pagka playboy. Last month gipadad an ko og suwat sa abogado kay naay babaye nga 19 years old nag demand og financial support sa akoa kay ako ang iyang papa base sa sulti sa iyang mama nga naminyo og foreigner.

Wa ko maproblema kaayo kay ulit nga tawo ko. Akong gi meet ang girl aron akong tan-awon. Bisan giunsa nako og tan-aw, wa maliwat nako ug wa koy na feel para niya.

Paps, unsay akong buhaton?

MIKE

Mike,

Bug-at kaayo na nga pasa­ngil nga ikaw ang amahan sa girl. Nagkinahanglan na og proof nga di malalis. Unya ang burden of proof o kamatuoran kinahanglan mga magagikan niya ug sa inahan. Mabuhat lang kini pinaagi sa DNA testing ug tingali circumstantial evidence.

Ayaw gyud tuod karatol kay lisod ning buhaton gawas kon tinud-on sa inahan pinaagi sa paggasto. For the meantime, imbetara og panagsa og kaon ug suroy kaha aron matan-aw ug maobser­bahan mo kon duna bay luksong dugo kon magkuyog mo.

Gawas pa, ang child support mohunong sa edad nga 18. Apan kon makamatuod siya nga ikaw ang papa, makapanunod siya sa imong properties. But di ba kanindot kon duna kay anak?

PAPA JOE

(sa inyong tampo ipadala lang sa papajoesuperb@gmail.com)

Leave a Reply

Your email address will not be published.