Secretary ug sakop sa MILF gipusil-patay - SunStar

Secretary ug sakop sa MILF gipusil-patay

Ni Edgardo E. Fuerzas

COTABATO CITY — Nagbangutan ang pamilya sa usa ka opisyal sa barangay nga gipusil-patay alas 6:35 sa gabii, Miyerkules, Disyembre 22 sa probinsya sa Maguindanao.

Naila ang biktima nga si Ashaheed Mujahid Gerry Bong Cabilbigan, 46-anyos, minyo, Barangay Secretary, sakop sa 128th Base Command sa Moro Islamic Liberation Front (MILF) ug molupyo sa Barangay Macaguiling Sultan Kudarat Maguindanao.

Sumala kang Maguindanao Police Provincial Director Colonel Jibin Bongcayao nga samtang nagmaneho sa iyang traysikad ang biktima gikan namalengke ug pauli sa iyang balay.

Apan pag-abot ni Cabilbigan sa likuon nga parte sa national highway sa Barangay Macaguiling kalit lang kining gitaparan sa riding-in-tandem suspects ug gipusil gamit ang kalibre.45 nga pistola.

Abtik sab nga miikyas ang mga suspetsado paingon sa direksyon sa Cotabato City.

Nadala pa sa balay tambalanan ang biktima sa mga nagrespondeng pulis apan nabugtuan gihapon siya sa kinabuhi.

Sa kasamtangan ang kapulisan sa Sultan Kudarat Maguindanao ang padayon nga nag-imbestiga sa pagpamusil-patay sa biktima. (Hulagway gikan kang Edgardo E. Fuerzas)

Leave a Reply

Your email address will not be published.