Wala ka ‘jerjer’ nag-wild
Ni Jeepy P. Compio
USA ka bana ang gireklamo sa iyang silingan human kini nag-wild ug namuak og kaang gumikan giingong naaburido kay wala gipa-sex sa iyang asawa.
Alas 10 kagahapon sa buntag, Disyembre 23 nabungkag ang kahilom sa usa ka alley sa usa ka purok sa Barangay 76-A Bucana Davao City human nga giingong nasuko ang bana nga si Roger (bansagon gitago), 47-anyos kay wala ka jerjer.
Nasayran nga milakaw og sayo ang iyang asawa kay molinya sa Pahalipay ng gihatag sa lokal nga kagamhanan sa Davao City didto sa usa ka tindahan sa Quirino Avenue ning siyudad.
Dugang nasayran nga nahubog si Roger kinsa wala pa’y tulog gikan sa tagay sa miaging gabii nga birthday sa iyang kompare.
Sa impormasyon nga nahipos sa Superbalita, dihang nag-wild si Roger, nagbagutbot kini nga nagpiyong samtang naglingkod ug nagyawyaw nganong wala siya pa-jerjera sa iyang asawa.
Tumang kasuko sa mga silingan kay nangabuak ang ilang mga kaang sa pag-wild ni Roger kinsa mihunong lang pag-abot sa mga barangay tanud.
Gilauman nga gipatawag si Roger sa barangay subay sa reklamo sa iyang mga silingan. JPC
