Barmm nagpadala’g tabang sa Dinagat Island
Ni Edgar Fuerzas
COTABATO CITY — Nagpadala na og tabang ang Bangsamoro Government pinaagi sa Dinagat Island Solidarity Mission nga gipangunahan nila MSSD Minister Atty. Raissa Herradura Jajurie ug MILG Minister, Bangsamoro READi Head Atty. Naguib Sinarimbo.
Kini hinabang sa mga biktima sa Bagyong Odette gikan sa Bangsamoro Region.
Ang Solidarity Mission sa Ministry of Social Services and Development (MSSD) ang nagpadala og 125,000 kilos nga bugas, 1,600 Jerry cans ug 3,200 boxes sa water purification tablets.
Ang Bangsamoro Rapid Emergency Action on Disaster Incidence (READi) sa Ministry of the Interior and Local Government (MILG) ang naggahin sab og 2,000 food packs.
Uban sab sa Project Tabang ang Office of the Chief Minister nga nagpadala og 1,500 hygiene kits.
Muabot sa Dinagat Island ang hinabang sa BARMM karong adlawa, Biyernes pinaagi sa tabang sa Armed Forces of the Philippines (AFP) Eastern Mindanao Command.
Nagpadala sab ang Bangsamoro READi og 5,000 food packs alang sa giigo sa Bagyong Odette sa Negros Occidental uban ang 6th Infantry (Kampilan) Division Philippine Army nga gipangulohan ni Major General Juvymax Uy. (Hulagway gikan kang Edgardo E. Fuerzas)
