6 regions ubos sa state of calamity

Gipaubos ni Presidente Rod­rigo Duterte sa state of calamity sa Disyembre 21, ang unom ka mga rehiyon nga grabeng naapektohan sa bagyong Odette nga niigo niadtong Huwebes sa gabii, Disyembre 16.

Ang Proclamation 1267 gilagdaan ni Duterte, nagkanayon ang Mimaropa, Western Visayas, Central Visayas, Eastern Visayas, Northern Mindanao ug Caraga ubos sa state of calamity sulod sa usa ka tuig nga gipaepekto dayon sa naasoyng adlaw.

Si Duterte nipahibalo sa maong deklarasyon atol sa iyang Talk to the People Address sa Martes sa gabii, Dis­yembre 21.

Kini gipahibalo pag-usab sa press briefing kagahapon sa buntag, Disyembre 22, pinaagi ni Cabinet Secretary ug acting presidential spokesperson Karlo Nograles.

Si Nograles nagkanayon nga ang National Disaster Risk Reduction and Management Council (NDRRMC) maoy nag­rekomendar niiini sa Presidente human iyang nakita ang halapad nga kadaut.

Gimandoan sa Presidente ang pagpadali sa rescue, relief ug rehabilitation nga pa­ningkamot sa kagamhanan ug mga pribadong sektor, lakip sa bisan unsang international humanitarian assistance.

Dugang sa Presidente, epe­k­tibo ang pagkontrolar sa pres­­yo sa mga nag-unang pa­laliton sa mga dapit nga naguba sa bagyo.

“Afford the national and local government units (LGUs) ample latitude to utilize appropriate funds for rescue relief, and rehabilitation and continuation of basic services,” matod ni Duterte.

Si Duterte nimando usab sa tanang ahensiya sa ka­gamhanan sa paglusad og rescue, relief ug rehabilitation .

Ang mga hingtungdang a­hen­­siya gimandoang mo-coordinate ug moabag sa paghatag og batakang serbisyo sa naapektohang local go­vernment units (LGUs). (LMY)