Talisay manghatag og 25 kgs. nga bugas
Mang apod-apod og tag 25 ka kilo nga bugas humay sa matag pamilya ang kagamhanan sa Dakbayan sa Talisay sugod sa Martes o Miyerkules, Disyembre 22, 2021, pahibawo ni Mayor Gerald Anthony “Samsam” Gullas.
Matod sa mayor nga di magpili ang local government unit (LGU), bisan kadtong nagpuyo sa mga subdivision lakipan sa paghatag og usa ka sako nga tag-25 kilo nga bugas.
Iyang giawhag ang katawhan, labina na niadtong nagpuyo sa dagkong mga barangay, sama sa Dumlog, Tabunok ug San Roque, nga magpasensya kay di madali paglukop og hatag kay molanat kini og tulo ngadto sa upat ka adlaw tungod sa kadak-on sa mga dapit.
Kon ang usa ka balay gipuy-an og duha ka mga pamilya, duha sa tag 25 kilo nga sako sa bugas ang ihatag.
“Hangyo lang ko, please be patient. Dili gyud na madala hatag in one day tanan especially if dako kaayo ang barangay. Maybe it will take a couple of days to finish distribution to all,” matod sa mayor. (REV)