P1B gigahin sa Cebu City

Ang Cebu City Government migahin og P1 bilyon alang sa recovery program human gikuso-kuso sa bagyong Odette ang dakbayan sa Sugbo nga nikalas og mga kinabuhi, niguba sa mga estruktura ug nidanyos sa mga pananom.

Si Mayor Michael Rama nagkanayon nga kini maoy gamiton sa siyudad aron tabangan ang mga residente nga makabangon sa maong sitwasyon.

“As far as money (is concern) we have P1 billion to address this concern,” matod ni Rama human gi-aprobahan sa City Council ang maong pundo nga gikuha gikan sa calamity fund.

Si Atty. Gerry Carillo, chairman sa Cebu City Disaster Risk Reduction and Management Council (CCDRRMC) nag­ka­nayon nga sobra 60 por­siyento sa maong pundo gamiton sa financial assistance.

“The Council and the mayor is setting aside morethan P600 million for financial assistance to all people affected by the typhoon Odette, it will range from P5,000 for partially damage and P10,000 for fully damage structure, this is per structure not per family,” dason ni Carillo.

Ang chairman sa CCDRRMC nagkanayon nga ilang gitinguha nga masugdan og apud-apod ang maong ayuda sa Disyembre 27. (PAC)