No vaxx, no entry sa establisemento dugay na sa Mandaue gipatuman
by Mae Fhel K. Gom-os
Dugay nang gipatuman sa dakbayan sa Mandaue ang ‘no vaccination card, no entry’ policy, apan wala ma-monitor ang mga establisemento.
Mao kini ang gisulti ni manlalaban Lizer Malate, pangulo sa Business Permit and Licensig Office (BPLO) sa Dakbayan, sa dihang gipangutana bahin sa maong butang nunot sa hugot nga pagpatuman sa dakbayan sa Sugbo.
Matod ni Malate nga ang polisiya nga nag-require sa mga indibidwal nga magpakita sa ilang vaccination cards sa pagsulod sa mga establisemento anaa na sukad niadtong Nobyembre 2021.
“Existing naman na but of course dili nato ma-monitor if ang estbalishments kay nag-strictly implement gyud. But they know that they should, it’s there. Kanang sauna paman na, ambot nganong gi-big deal paman sad na,” matod niya.
Gitataw ni Malate nga dili kinahanglan nga maghatag og pahinumdom sa mga establisemento, tungod kay kini gibuhat matag adlaw pinaagi lamang sa pagpamati sa mga pulong nga “pagbakuna ug Covid-19 (coronavirus disease).
Siya miingon nga ang tanan kinahanglan nga magpunting sa usa ka lahi nga panan-aw o pamaagi sa pagdumala sa Covid-19, diin ang pagdugang sa mga pasilidad sa pag-atiman sa kahimsog kinahanglan nga hatagan og gibug-aton.
“Ayaw nanang mga inistrikto sa mga establishment kay di ta ka move on ani if that’s the mindset from the beginning,” matod ni Malate, ug midugang nga ang Mandaue City nakabakuna na og labaw sa target nga gidaghanon sa populasyon niini.