Oro nakatala og 1 bag-ong kaso sa Covid-19 - SunStar

Oro nakatala og 1 bag-ong kaso sa Covid-19


By Jo Ann Sablad

PADAYON ang pagnaog sa ihap sa mga bag-ong kaso sa Covid-19 sa Cagayan de Oro human kini mitala og usa ra ka kaso, matud sa report sa City Health Office Biyernes, Disyembre 30, 2021.

Matud sa City Health Office, ang bag-ong kaso usa ka 68-anyos nga babae, taga Barangay Bulua.

Sa pagkakaron, ang kinatibuk-ang ihap sa mga kumpirmadong kaso sa Covid-19 sa syudad anaa na sa 20,446.

Ang Cagayan de Oro adunay 15 ka mga active cases, siyam niini na-admit sa Northern Mindanao Medical Center ug uban pang mga ospital sa syudad, ug unom ang mga outpatients.

Anaa na karon sa 19,480 ang ihap sa mga nakarekober sa dakbayan.

Ang ihap sa mga namatay sa Covid-19 sa syudad anaa sa 851 human ang dakbayan walay natalang bag-ong patay.

Leave a Reply

Your email address will not be published.