52,000 ka Dabawenyos nagdonar sa ilang Pahalipay gift packs
NATALANG ihap nga 51,982 nga Dabawenyos (sukad ala 1:04 sa hapon niadtong Disyembre 28) ang nagdonar sa ilang Pahalipay gift packs ngadto sa mga biktima sa Bagyong Odette. Ang maong ihap padayon pang nagkadaghan.
Ang Pahalipay mao ang sistema nga naa sa Safe Davao QR Code kon diin nagpasayon sa pag-apud-apod sa gift packs sa mga molupyo sa Davao City.
Mga molupyo kinahanglan lang nga mo-log-in sa ilang SDQR profile ug i-click ang ilang Pahalipay button nga maoy mohatag og detalye sama sa matang sa gasa, asa makuha ug suplayer o kanus-a nimo makuha ang imong gift packs.
Imbis nga kuhaon ang gift packs sa ubang mga Dabawenyos misuhestiyon ngadto sa lokal nga panggamhanan kon duna ba silay opsiyon nga madonar ang gift packs ngadto sa mga biktima sa Bayong Odette nga gikusokuso ang dakong bahin sa Northern Mindanao ug Central Visayas.
Busa ang lokal nga panggamhanan nagtugot sa developers nga himuon ang donate button. Nagtrabaho sa Pahalipay mao ang team gikan sa Ingenuity, usa ka software company.
“The process for donating would be similar to the proposal made by the public. Log-in on their SDQR profile click the Pahalipay button and they would be shown a ‘DONATE’ button if they opt to donate their Pahalipay gifts to the typhoon victims,” matud ni Abi Sitjar, Ingenuity software engineer ug Pahalipay project head.
Ang donate button na-integrated na sa SDQR Pahalipay feature niadtong Disyembre 25 ug gikan niini mga Dabawenyos nagsugod na paggamit sa donate button aron nga makatabang sa mga naapektuhan sa bagyo.
Daghang mga nagdonar nga nasayonan sa Pahalipay donate feature ug hapsay.
“I decided to donate because the people affected by typhoon Odette need it more than we do. The process of donating was easy as 123,” matud ni entrepreneur Samantha Sasin.
Alang sa video editor Ryan delos Reyes ang donate button impresibo kay nag-highlight kini sa padayong kausaban ug kalamboan sa Safe Davao QR code.
“I find the donate feature of SDQR very convenient. I like how the SDQR evolved from being a contact tracing app to a sort of Davao citizens database,” matud ni delos Reyes. (PR)
