Pagasa: way bagyo sa Pasko
Way bagyo karong weekend sa Pasko.
Ang state weather bureau sa Huwebes, Disyembre 23, 2021, niingon nga ang low pressure area (LPA) gawas sa Philippine Area of Responsibility (PAR) nahanaw na.
Sa alas 4 sa hapon sa Huwebes nga weather forecast, si Ana Clauren, Philippine Atmospheric, Geophysical and Astronomical Services Administration (Pagasa) weather specialist, niingon nga ang LPA nga ilang gimonitor gawas sa PAR nihuyang ug nahimong cloud cluster.
Si Clauren niingon nga ang cloud cluster posibleng magdala og mga pag-ulan sa bisan asang dapit sa nasod, kay gawas kini sa PAR.
“Malayo po ito sa ating Philippine land mass, kaya hindi natin inaasahan na magdudulot po ito ng anumang mga pag-ulan saan mang bahagi ng ating bansa,” matod ni Clauren.
Siya niingon nga ang Pagasa walay na-monitor nga weather disturbances nga makaapekto sa mosunod nga duha ngadto sa tulo ka adlaw.
Hinuon, sa sayo pa, ang Pagasa niingon nga ang intertropical convergence zone (ITCZ) magdala og katag-katag nga pag-ulan ug pagpanugdog-kilat sa pipila ka bahin sa Mindanao. (JS)
