Online selling naapektuhan sa Odette; Monolithic Dome Program gisugyot
By Jeepy P. Compio
BILYONES nga kadaut ang dala sa Bagyong Odette, daghang mga imprastraktura, agrikultura, panimalay ug bisan ang negusyong online naapektuhan.
Usa ang Kings Vitaplus Animal Feed Supplement sa ilang online selling ang naapektuhan pinaagi sa pag-order sa online apps diin ang courier niini alang ngadto sa Visayas ug Luzon ang nakulgot sa mga pantalaan ug mga lugar nga nangababag pa ang mga poste sa kuryente diha sa kalsada.
Apan wala naapektuhan niini ang ilang mga produkto diha sa mga agrivet stores diin available kaayo, ug padayon gihapon ang ilang online orders pinaagi sa online apps, sumala sa tagdumala.
Luyo niini gipaambit sab ni former Agriculture Secretary Emmanuel Piñol nga duna untay radical shift alang sa mga architectural design sa mga government buildings ug private structures ug bisan sa mga panimalay nga anaa sa mga lugar nga perme agian og bagyo.
“I believe that the Monolithic Dome Program should be embraced by the national government, including the local government units, in designing the new buildings which would be built after the destruction,” ingon ni Piñol sa iyang pamahayag human sa dakong kadaut nga hatud sa Bagyong Odette.
Makita sa usa ka video nga na-post sa social media nga bisan ang mga tawo anaa na sa gymnasium wala gihapon sila’y kasiguradohan human naukab ang atop sa dakong gym tungod sa kakusog sa hangin.
Tuig 2018 nga si Piñol pa ang secretary sa Department of Agriculture, gi-aprubahan niini ang funding ug construction sa monolithic dome nga maoy nagsilbi nga grains ug seeds warehouse sa DA Experimental Station sa Iguig town sa Cagayan Province.
“The first monolithic dome constructed by a Filipino company with Polish engineers as consultants and could withstand Typhoon Signal 5,” dugang ni Piñol.
Ang Monolithic Dome luwas nga desenyo alang sa mga tawo nga namakwit, sa mga pagkaon ug bisan sa mga butang nga gikinahanglan gayod sa katawhan panahon sa kalamidad.
