Dugang Omicron variant nakit-an; ika-4 nga kaso
ANG Department of Health (DOH) nitaho niadtong Dominggo, Disyembre 26, sa ikaupat nga Omicron variant sa coronavirus disease (COVID-19) nga kaso sa Pilipinas.
Sa virtual press briefing, gibutyag ni Health Undersecretary Maria Rosario Vergeire nga usa ka 38-anyos nga Filipino nga babaye nga biyahedor gikan sa United States (US) nasuta nga positibo sa Omicron variant.
“An additional imported case of Omicron was also detected,” matod ni Vergeire.
Sa pagkakaron naa sa home isolation, ang pasyente adunay negatibo nga pre-departure swab test sa Disyembre 7, apan adunay exposure gikan sa mga higala sa US usa ka adlaw sa wala pa siya molarga.
Niabot siya sa Ninoy Aquino International Airport (NAIA) niadtong Disyembre 10 pinaagi sa Philippine Airlines PR 127.
Nagsugod siya nga adunay mga simtomas sa katol sa tutunlan ug sip-on sa Disyembre 13.
Ang biyahero gi-test samtang gipaubos sa quarantine niadtong Disyembre 14, 2021 nga positibo ang resulta.
Pagkahuman, gipagawas siya sa isolation sa pasilidad ug nigawas nga asymptomatic kaniadtong Disyembre 24, 2021.
“The detection of the Omicron after the sequencing came after when the individual was discharged already,” pasabot sa health official.
Gitakda siya alang sa reswab testing karong adlawa (Martes), sumala ni Vergeire.
DUGANG DELTA VARIANT
Apan gawas sa laing kaso sa variant sa Omicron, ang DOH nitaho usab nga dunay 38 ka dugang nga Delta variant cases sa nasod.
Sa 46 ka mga sample nga gi-sequence niadtong Disyembre 24, 38 ang nasuta nga positibo sa Delta variant.
“There were 82.61% (38) positive from Delta variant (B.1.617.2; first detected in India),” tataw ni Vergeire.
Nagdala kini sa 8,452 sa kinatibuk-ang ihap sa mga variant nga kaso sa Delta sa nasud.
“The Delta variant (B.1.617.2) is the most common lineage (42.43%) nationally,” ingon ni Vergeire. (HDT sa SunStar Cebu)
