Pingris midagan nga nagsul-ob og bra
Gipamatud-an ni Philippine basketball legend Marc Pingris nga usa siya ka tawo nga matinumanon sa iyang saad.
Si Pingris, kinsa naila nga usa ka gamer, misaad nga modagan siya sulod sa ilang village nga magsul-ob og bra kon mokampyon ang Pilipinas sa Mobile Legends: Bang Bang M3 World Championship.
Duha ka mga adlaw human nakuha sa Blacklist International ang kampyunato, mao gyud kini ang gibuhat sa kanhi magduduwa sa Philippine Basketball Association (PBA).
Isip pagpamatuod, adunay video nga gi-post si Pingris sa Facebook kabahin sa iyang gihimo.
“At ito na nga… dahil nanalo kayo at nag-promise ako ito na tinupad ko na. Tumakbo ako sa village namin kanina na kakaiba ang suot,” asoy ni Pingris nga napatik sa Spin.ph.
“Katuwaan lang ‘to guys. Proud lang talaga tayo sa naabot ng team nila.” (ESL)