Mga kawatan, tulisan gipanid-an
Hugot nga monitoring karon ang gihimo sa kapulisan sa dakbayan sa Sugbo gumikan kay kadaghanan pa sa mga barangay sa siyudad ang wala pa maka balik ang kuryente mugna sa kadaot ni bagyong Odette.
Bisan wala pa sila makadawat og impormasyon nga adunay mga nabiktima sa pagpangawat sa mga dagkong tindahan ug kabalayan, apan wala sila mokompyansa nunot sa posibilidad nga mo igo ang mga kriminal samtang busy ang kapulisan.
Matod ni Police Lieutenant Colonel Ryan Devaras, deputy city director for operations sa Cebu City Police Office (CCPO), adunay kamandoan si PNP Chief Police General Dionardo Carlos sa tanang police sa Central Visayas nga bantayan ang mga lihok sa mga kawatan.
Makig-alayon sila sa barangay officials aron usab nga maabagan sila sa pag-monitor aron dili mabiktima sa mga badlungon sa katilingban nga mosakay sa panahon.
“As you all know criminal elements may take advantage sa situation although the CCPO all personnel are preoccupied with relief operations there are criminal elements might take advantage,” matod ni Devaras.
Human usab mipagawas og direktiba si Mayor Michael Rama nga idili na ang paglinya sa mga sakyanan sa mga gasoline station panahon sa adlawan aron malikayan ang kahuot sa dagan sa trapiko mipakatap na usab dayon og mga personnel sa CCPO.
Sigun ni Devaras nga ang himuon sa mga pulis badlungon lang nila ang mga motorista nga dili lang maglinya ug huwaton nalang ang gitakdang oras nga mamahimo sila nga magpatubil.
Samtang kadtong nauna na nga naka linya sukad pa sa miaging kaadlawon gi hatagan kinig priority number aron sila ang unahon nga maka patubil.
Dugang ni Devaras nga ilang dakpon kadtong mamaligyag gasolina sa daplin sa karsada nga gipang butang na sa botelya sa softdrinks nga ka tulo piloon ang presyo niini.
Gani sa mga walk in nga magdalag daghang gallon hugot na nila kining idili tungod kay usa ka container nalang ang ilang itugot nga matubilan nunot sa pagtuo nga gihimo na nila kining negosyo. (AYB)
