Thurman mobalik na’g away

By Erwin S. Lirazan

DUHA ka mga tuig ug tunga human sa iyang desisyon nga kapildihan batok kang Filipino legend Manny Pacquiao, mobalik na’g away si American Keith Thurman karong Pebrero 5, 2022 sa Las Vegas, USA batok sa kababayang si Mario Barrios.

Ang kapildihan ni Thurman batok kang Pacquiao maoy bugtong nakabuling sa iyang rekord nga 29-1, 22KOs.

Nagkanayon si Thurman, 33, nga nagpanikad na siyang mobalik og away sa iyang tinguha nga isaka og balik ang iyang nahagba nga boxing career.

“It’s been a long time coming for my return to the ring, and I can’t wait to compete again,” asoy ni Thurman sa www.worldboxingnews.com.

“In 2022, I will remind the world of boxing that Keith’ One Time’ Thurman is a fighter not to forget.”