Gobernador sa Bohol mipahimangno sa kinawatay, kagubot
Ang gobernador sa lalawigan sa Bohol, usa sa mga lalawigan nga gikuso-kuso sa Bagyong Odette (Rai) sa miaging semana, nangamuyo sa radyo Martes, Disyembre 21, alang sa kagamhanan sa pagpadala dayon og mga pagkaon ug uban pang hinabang.
Siya nagpasidaan nga kon walay tabang gikan sa gawas, ang tropa sa kasundalohan ug kapolisan ipakatap aron malikayan ang pagpangawat taliwala sa nagkadako nga kagutom.
Si Gobernador Arthur Yap niingon nga dili na siya maka-secure og bugas ug uban pang mga hinabang nga pagkaon human nahurot ang iyang contingency fund.
Siya nidugang nga daghan sa 1.2 milyones ka tawo sa iyang isla nga probinsiya, nga nagpabiling walay kuryente ug cellphone lima ka adlaw human mihapak ang bagyo, nahimong nagka desperado.
Ang labing kusog nga bagyo nga miigo sa kapupud-an sa Pilipinas karong tuiga nagbilin og labing menos 375 nga nangamatay ug 50 pa ang nawala kasagaran sa sentro nga rehiyon niini, lakip ang hapit 100 nga namatay sa Bohol, sumala sa mga opisyal.
Si Presidente Rodrigo Duterte mibisita sa Bohol sa katapusan sa semana ug nasaksihan ang halapad nga kadaut.
MISAAD
Si Yap niingon nga ang social welfare department sa gobyerno nisaad nga magpadala og 35,000 ka food packs, kulang nga gidaghanon alang sa 375,000 ka pamilya sa probinsiya, apan bisan kini wala pa moabot.
Sa usa ka interbyu sa dzBB radio network, si Yap nagpasalamat kang Duterte sa pagbisita sa iyang probinsya apan miingon, “If you would not send money for food, you should send soldiers and police, because if not lootings will break out here.”
Ang mga pagpangawat kasagaran nahitabo sa gagmay nga mga tindahan, si Yap niingon. Siya nidugang nga ang sitwasyon nagpabilin nga kontrolado.
Apan gipasidan-an niya nga ang mga pagpangawat mahimong mograbe kon ang mga tawo, labi na sa mga lungsod nga nagrabehan og maayo, mahimong labi ka desperado.
Ang mga tawo dili maka-withdraw og kwarta sa mga bangko nga walay koneksyon sa cellphone ug kuryente, ug ang kakuwang sa gasolina ug tubig nakapukaw usab sa taas nga linya, matod niya.
Ang nasudnong kapolisan niingon nga ang lapad nga pagpangawat dili problema sa mga rehiyon nga gikuso-kuso sa bagyo ug midugang nga andam sila nga atubangon ang bisan unsang kalapasan. (AP)
